Еўрапейскі дзень моў у школе
26 верасня ў дзяржаўнай установе адукацыі “Малабераставіцкая сярэдняя школа” святкавалі Еўрапейскі дзень моў.
У нашай установе адукацыі вучні вывучаюць дзве замежныя мовы: англійскую і нямецкую. Некаторыя вучні выкарыстоўваюць магчымасці дадатковай адукацыі і вывучаюць польскую мову на занятках па інтарэсах.
У час святкавання вучні мелі магчымасць пачуць розную замежную мову, вывучыць словы “Прывітанне” и “Дзякуй” на розных еўрапейскіх мовах і нават “патэлефанаваць” у краіны Еўропы.
Малодшыя вучні запрасілі ўсіх правесці свята разам з імі ў форме квэст-гульні “Што? Дзе? Калі?”.
Вучні, якія праяўляюць асаблівую цікавасць да вывучэння замежных моў, сабраліся на міні-форум “Замежныя мовы яднаюць Еўропу”, які прайшоў пад дэвізам Еўрапейскага дня моў “Вывучаем замежныя мовы на працягу ўсяго жыцця”.
Свята спадабалася ўсім, кожны ўдзельнік адчуў сябе паўнапраўным грамадзянінам як сваёй краіны, так і Еўропы.
