"Прававое дрэва" вырасла ў Малабераставіцкай СШ
Кожны павінен памятаць, што пры ажыццяўленні сваіх асабістых правоў нельга дапускаць парушэння правоў другіх людзей.
20 лістапада, у Сусветны дзень дзіцяці, вучні Малабераставіцкай СШ стварыі незвычайнае “Прававое дрэва”. Такую назву атрымала акцыя, якая праводзілася для вучняў у гэты дзень. І лісточкі ў гэтага дрэва таксама асаблівыя. “Права на жыццё”, “Права на адукацыю”, “Права на сям’ю”, “Права на адпачынак”, “Права на ахову” і яшчэ шэраг “прававых лісточкаў” прывабліваюць погляды як дзяцей , так і дарослых. Прыняць удзел у стварэнні цуда-дрэва мог кожны жадаючы. Актыўнымі ўдзельнікамі акцыі сталі вучні VI – VII класаў. Сумесная творчая праца дзяцей і педагогаў прынесла не толькі добры настрой, але і больш дасканалыя веды аб сваіх правах.
Наталля Сіцько, педагог сацыяльны
