2 красавіка -- Дзень яднання народаў Беларусі і Расіі.
 |
Менавіта такой тэматычнай інфармацыйнай гадзінай распачалі мы 4 чвэрць. Кожны грамадзянін сваёй краіны павінен валодаць інфармацыяй аб важных датах сваёй дзяржавы, палітычных і эканамічных накірунках Беларусі як самастойнай і незалежнай краіны.
2 красавіка адзначаецца Дзень яднання народаў Беларусі і Расіі. Менавіта ў гэты дзень у 1996 годзе прэзідэнты Расіі і Беларусі Барыс Ельцын і Аляксандр Лукашэнка падпісалі ў Маскве Дагавор "Аб стварэнні Супольнасці Расіі і Беларусі». А ўжо праз год, 2 красавіка 1997 года, быў падпісаны Дагавор "Аб Саюзе Беларусі і Расіі", які даў новы імпульс працэсу ўсёабдымнай інтэграцыі дзвюх дзяржаў.
З тых часоў гэты дзень адзначаецца як Дзень яднання народаў Беларусі і Расіі, праводзіцца мэтанакіраваная работа па будаўніцтву новага саюза.
23 мая 1997 года быў прыняты Статут Саюза Беларусі і Расіі, а 25 снежні 1998 г. прэзідэнты Расіі і Беларусі падпісваюць Дэкларацыю "Аб далейшым яднанні Расеі і Беларусі». У ім кіраўнікі дзяржаў заявілі аб рашучасці працягнуць паэтапны рух да добраахвотнага аб'яднання ў Саюзную дзяржаву пры захаванні нацыянальнага суверэнітэту дзяржаў - удзельніц Саюза.
У гэтых дакументах кіраўнікі дзяржаў цвёрда заявілі аб рашучасці працягнуць паэтапны рух да добраахвотнага аб'яднання ў Саюзную дзяржаву пры захаванні нацыянальнага суверэнітэту дзяржаў-удзельніц Саюза.
У цяперашні час сфарміравана і дзейнічае сістэма органаў Саюзнай дзяржавы. З 2000 года функцыянуюць: Вышэйшы Дзяржаўны Савет, Савет Міністраў і Пастаянны Камітэт Саюзнай дзяржавы. Яны складаюцца з прадстаўнікоў адпаведных рэспубліканскіх і федэральных органаў Беларусі і Расіі, якія перыядычна збіраюцца на паседжанні, дзе разглядаюцца і вырашаюцца пытанні саюзнага будаўніцтва ў адпаведных сферах. Створана і дзейнічае на пастаяннай аснове Тэлерадыёвяшчальная арганізацыя Саюзнай дзяржавы.
За апошнія гады Беларусь і Расія істотна прасунуліся ў фарміраванні адзінай эканамічнай прасторы, забеспячэнні роўнасці правоў грамадзян нашых краін, вырашэнні іншых жыццёва важных пытанняў. У рамках будаўніцтва Саюзнай дзяржавы па фарміраванню Мытнага саюза Беларусі і Расіі з 1 студзеня 2010 года пачаў функцыянаваць Мытны саюз Рэспублікі Беларусь, Расійскай Федэрацыі і Рэспублікі Казахстан.
Рэспубліка Беларусь і Расійская Федэрацыя праводзяць узгодненую знешнюю і абаронную палітыку. Цеснае партнёрства дзвюх дзяржаў у барацьбе з міжнародным тэрарызмам, арганізаванай злачыннасцю, іншымі пагрозамі насталага стагоддзя накіравана на стварэнне ўмоў мірнай і годнага жыцця кожнага чалавека.
