Тыдзень беларускай мовы і літаратуры
Тыдзень беларускай мовы і літаратуры
Мову родную беражы.
Мовай роднаю даражы.
Мову родную шануй.
Мовай роднаю не гандлюй.
Мову родную любі.
Мову ў сэрцы не губі.
Мовы роднай не кідай.
Мову дзецям перадай.
Віктар Швед
Пад такім дэвізам з 13 па 17 лютага 2017 года прайшоў Тыдзень беларускай мовы і літаратуры з мэтай развіцця пазнавальнага інтарэсу, актывізацыі і паглыблення міжпрадметных сувязей у пазакласнай рабоце па мове і літаратуры.
Пры правядзенні мерапрыемстваў у рамках Тыдня ствараліся ўмовы для праявы і далейшага развіцця творчых і інтэлектуальных здольнасцяў кожнага вучня, падтрымання стану актыўнай зацікаўленасці авалоданнем новымі, больш глыбокімі ведамі па прадметах.
У мерапрыемствах тыдня прынялі ўдзел вучні 5 - 11 класаў. Разнастайнасць праграмы дазволіла кожнаму вучню знайсці занятак па душы.
Якая прыгожая, мілагучная, мяккая і ў той жа час яскравая, звонкая, моцная, поўная наша мова. На кожны выпадак знойдзецца ў ёй і патрэбнае слова, і трапны фразеалагізм. На гэтай мове размаўлялі нашы дзяды і прадзеды, за яе змагаліся нашы продкі. Толькі гэтую мову мы можам назваць роднай, бо гэта мова нашай зямлі, нашых рэк, азёраў і лясоў.
