Канікулы - час для падарожжа і адкрыццяў
30 кастрычніка вучні 5, 6 класаў адправіліся на экскурсію ў г. Гродна. Яны пабывалі на Гродзенскім абласным унітарным паліграфічным прадпрыемстве “Гродзенская друкарня” і паглядзелі ўвачавідкі на працэс друкавання.
Вучні мелі ўнікальную магчымасць убачыць абсталяванне для друку поўнафарматных газет, пераплётна-брашyровачную тэхніку, разнастайныя сістэмы рэзкі паперы, а таксама абсталяванне для розных спосабаў змацавання блокаў, ламінавання, свідравання адтулін, перфарыравання і ціснення. Напрыканцы экскурсіі дзеці назіралі друк газеты на канвееры ў рэальным часе. Вучні былі прыемна здзіўлены і захоплены ўбачаным. Яшчэ раз пераканаліся ў тым, што неабходна берагчы кожны ліст паперы.
Мы выказалі падзяку супрацоўніку за такі змястоўны аповед і шчыры прыём. Прыемна было пачуць, што нашы вучні паводзілі сябе карэктна і пакінулі добрае ўражанне ў супрацоўнікаў друкарні.
Акрамя друкарні мы пабывалі яшчэ ў лялечным тэатры. Прагляд гламур-оперы “Чырвоны Капялюшык” заваражыў, зачараваў вучняў. Дзеці, зацікаўленыя і засяроджаныя, на адным дыханні прагледзелі казку Шарля Перо. “Які цудоўны спектакль! Як хутка ён скончыўся!” – у адзін голас выказвалі яны сваё ўражанне ад убачанага.
Пасля прагляду спектакля лэдзі Мэры Попінс правяла для дзяцей экскурсію, у час якой яны мелі магчымасць пазнаёміцца з гісторыяй тэатра лялек, а таксама паглядзець багатую калекцыю лялек -герояў спектакляў 30-гадовай даўніны. А яшчэ ў асобным пакоі былі выстаўлены лялькі, да якіх дзеці мелі ўнікальную магчымасць дакрануцца, а самае галоўнае прывесці ў дзеянне, “ажывіць”.
Лічу, што актыўны, мабільны адпачынак садзейнічае даданаму псіхалагічнаму стану дзяцей, а таксама аказвае ўплыў на фарміраванне актыўнай грамадзянскай пазіцыі, каштоўнасных адносін да гісторыі і культуры Айчыны, любові да малой радзімы.
 |
 |
 |
 |
 |
